Gjykata liron djalin e Nehat Kullës

Nehat Kullës, i dyshuar si një prej autorëve të grabitjes së bankës në Bllok më 8 gusht të këtij viti. Pas 45 ditësh në arrest me burg, gjykata nuk ka gjetur prova të mjaftueshme që Kulla të rezultojë të jetë një nga autorët e dyshuar.

Gjykata e Tiranës ka lënë të lirë sot Robert Kullën, duke caktuar masën ‘detyrim paraqitje’. Bashkë me të u arrestuan edhe Roland Liti dhe Alan Babameto, në shtëpitë e të cilëve u gjetën edhe sasi të ndryshme parash, të dyshuara si të grabitura në bankën në Bllok.

Më 3 tetor Gjykata e Tiranës dha një masë sigurie shtesë për Robert Kullën pas masës së parë prej 30 ditëve.

Djali i Nehat Kullës dhe dy të dyshuarit e tjerë, Roland Liti dhe Alan Babameto, mohuan të kenë “gisht” në vjedhjen e 20 mln lekëve nga një bankë në Bllok më 8 gusht të këtij viti.

Në seancat e kaluara, të tre të akuzuarit kanë dhënë dëshmi të ndryshme, duke pretenduar se ditën e vjedhjes kanë qenë duke kryer aktivitete të ndryshme. Ndërkaq, ata nuk kanë mohuar faktin se njihen me njëri-tjetrin, por nuk kanë pranuar akuzat se mund të kenë bashkëpunuar në thurjen e ndonjë plani, apo veprime për hapjen e një tuneli për t’u futur në dhomën kasafortë të bankës ku u vodhën paratë.

Pretendimet e tyre u kundërshtuan nga ana e prokurorit Julian Zonja, sipas të cilit nga provat e siguruara deri në këtë fazë të hetimit ekzistojnë dyshime se të arrestuarit kanë bashkëpunuar në vjedhjen e bankës në Bllok.