Gjyshi im amerikan thoshte: “Eja nipçe se Shqipëria s’bëhet”

Nga Kreshnik Spahiu*

Gjyshi im amerikan thoshte: “Eja nipçe se Shqipëria s’bëhet” ??
Nga Kreshnik Spahiu*
Gjyshi im vdiq si amerikan por në Shqipëri nuk e tregonte kurrë pasaportën e SHBA sepse do të burgoseshim 7 breza si agjentë të CIA-s. Prej gjaku, si nip i tij, më takonte edhe mua të merrja Pasaportën amerikane por ndonëse kam udhëtuar 32 herë në SHBA kam refuzuar të kërkoj Green Card që më takon. Kam kohë që e mendoj nëse Shqipëria ka oksigjen për të jetuar apo duhet emigruar si miliona të tjerë për një shekull që kur u largua im gjysh. Me trishtim po shoh radhë të gjata tek fotografët për mijëra aplikues të lotarisë e ku as 0.2 % nuk fiton. Ikin dhe ikin po kujt ia lënë familjen, pronat, profesionin dhe mbarë Shqipërinë. Çdo ditë largohen dhe arratisen nga skëterra duke braktisur gjithçka dhe vite e vite investim. Në fund fitojnë plehrat që na qeverisin sepse largohet populli opozitar, i pakënaqur me regjimin. Ata mbretërojnë dhe duartokasin gjysëm milion shqiptarë që jetën e varin tek lotaria. Në fakt unë refuzova 25 vjet shtetësinë amerikane të gjyshit tim me iluzionin se duhet braktisur qeveria por jo Shqipëria. I lutem Zotit që gjyshi im të mos ketë qënë një shekull përpara më i mençur se unë që më thoshte shpesh: “Eja o nipçe se Shqipëria s’bëhet’!

One thought on “Gjyshi im amerikan thoshte: “Eja nipçe se Shqipëria s’bëhet”

  • October 10, 2016 at 9:33 am
    Permalink

    Shqiperia behet,por nuk doni ju qe te behet.Se po u be ajo,qe do beht!,(doni apo nuk doni)ju humbasi tere salltanetet,ju dalin sheshit tere horrlleqet,do dale ne drite e verteta e tere ketyre viteve te pa fund te te ashtuquajturit “tranzicion”.Dhe sa per green card beni mire ta merni se mos vetem keshtu pastrohet ky vend nga funderrinat!

Comments are closed.