Gorbaçov: Bota po i afrohet rrezikshëm, zonës së kuqe

“Mendoj se bota po i afrohet rrezikshëm zonës së kuqe”, deklaroi ish-kreu sovjetik Mihail Gorbaçov për agjencinë ruse të lajmeve “RIA Novosti”.

Bota po i afrohet rrezikshëm zonës së kuqe, paralajmëroi të hënën ish-kreu sovjetik Mihail Gorbaçov ndërkohë që tensionet mes Moskës dhe Uashingtonit po përkeqësohen nën sfondin e konfliktit sirian.

“Mendoj se bota po i afrohet rrezikshëm zonës së kuqe”, deklaroi Gorbaçov për agjencinë ruse të lajmeve “RIA Novosti”.

“Nuk dua të jap receta konkrete, por dua të them se kjo duhet ndërprerë. Ne duhet të rikthejmë dialogun. T’i japim fund atij që ishte një gabim i rëndë”, shtoi ai.

Marrëdhëniet mes Moskës dhe Uashingtonit, në nivelin më të ulët pas aneksimit të gadishullit ukrainas të Krimesë dhe të fillimit të konfliktit të armatosur në lindje të Ukrainës në vitin 2014, janë përkeqësuar edhe më shumë pas dështimit të armëpushimit në Siri, që e kishin filluar në shtator dhe që zgjati vetëm një javë./TRT