Grabitje me armë dhe maska, arrestohet një i dyshuar pas 20 muajsh. Ja emri

Një grabitje me armë dhe maska e ndodhur në 8 mars të vitit 2015 në Gëziq të Mirditës është zbardhur pas gati 20 muajsh. Policia thotë se 2 persona të maskuar dhe të armatosur me armë zjarri automatik kanë vjedhur banesën e qytetarit me inicialet GJ. L.

Gjatë ditës së djeshme Policia e Lezhës ka vënë në pranga me iniciativë Miri Ndrecën, 25 vjeç, banues në Barbullojë, Lezhë

Ky person dyshohet se me datë 08.03.2015, në bashkëpunim me një tjetër për të cilin po punohet për identifikimin dhe kapjen e tij, të maskuar dhe të armatosur me automatik, nën përdorimin e armëve, kanë vjedhur banesën e shtetasit Gj. L., në Gëziq – Mirditë.

Pas arrestimit dosja në ngarkim të Ndreçës do të referohen në Prokurorinë e Lezhës për veprat penale “vjedhja me armë” dhe “prodhim dhe mbajtje pa leje e armëve luftarake dhe municionit në bashkëpunim”.