Gruaja e ekspertit të UFO-ve: Ai kishte frikë, ja ç’më tha para se ta vrisnin…

Një ekspert britanik i UFO-ve vdiq në mënyrë dhe rrethana të mistershme, duke dashur të shpëtonte nga sekti i “magjisë së zezë” në të cilin bënte pjesë.

E dashura e tij, 31-vjeçarja Sarah Adams ka thënë se teoricieni konspiracionit Max Spiers kishte rrëfyer përpara se të ndërronte jetë, se kishte shumë frikë nga kulti që ishte ngritur në Poloni.

Dy ditë përpara se të ndërronte jetë, i dashuri i kishte treguar se ishte në “telashe” dhe donte të ikte jashtë shtetit.

“Mu duk se ishte në ankth kur folëm për herë të fundit. Ishte i tmerruar dhe donte të largohej. Ai kishte frikë se ata nuk do ta linin që të fliste. Më dërgoi mesazhe ku thoshte se ishte i shqetësuar dhe se kishte diçka që nuk shkonte siç duhej”,- tregon Adams.

Ajo shton se i dashuri i saj vendosi të largohej nga Polonia dhe të kthehej në Britaninë e Madhe, tek familja e tij dhe këtë gjë do ta bënte shumë shpejt.

Sarah Adams ka thënë në media se Max kishte nisur të kishte dyshime në lidhje me personat me të cilët po shoqërohej në Poloni dhe se dyshonte që ata ishin pjesë e “magjisë së errët”.

Disa ditë përpara se të ndërronte jetë Max i dërgoi mesazh të ëmës, 63-vjeçares Vanessa Bates ku i shkruante: “Yt bir është në telashe… nëse më ndodh ndonjë gjë, heto”.

Ajo shprehet: “Mendoj se Max ka hetuar në diçka të errët dhe kam frikë se dikush e ka dashur të vdekur. Ai po qëndronte me një grua që nuk e njihte shumë”./JOQ/