Gruaja vdes në avion, pasagjerët të detyruar të ulen pranë kufomës

Një përvojë shumë të keqe kanë përjetuar pasagjerët e një linje ajrore nga Turqia në drejtim të Moskës. Gjatë udhëtimit nga Anadolli në Moskë një grua në avion pësoi një vdekje të papritur për shkak të sëmundjes nga e cila vuante dhe pasagjerëve që udhëtonin me të ju desh që ta kalonin pjesën e mbetur të rrugës pranë trupit të viktimës.

Sipas medieve lokale, gruaja 50 vjeçare e cila ndërroi jetë vuante nga diabeti dhe ishte duke u kthyer në shtëpi pas pushimeve që kishte kaluar në Turqi, kur ajo filloi të ndjehej keq në avionin Boeing 757. Për fatin e saj të keq, ajo nuk i kishte vendosur ilaçet e nevojshme në çantën e dorës, por në valixhen e ndodhur në bagazh dhe kjo bëri që ajo të ndërronte jetë brenda pak minutash.

Pavarësisht se ekuipazhi u përpoq t’i vinte në ndihmë gruas duke i dhënë ndihmën e nevojshme për ta shpëtuar, ajo vdiq në vend. Më pas të pranishmit morën kufomën e gruas dhe e vendosën në një sendilje dhe e mbuluan me batanije për pjesën tjetër të rrugës.

I intervistuar nga gazeta ruse, bashkëshorti i gruas ka shpjeguar se 50 vjeçarja kishte marrë insulinë vetëm një orë para se të hipnin në avion dhe për këtë mendoi se ajo do ta përballonte udhëtimin, por që për të rezultoi fatal.