Habit trajneri Kosovës: Rezultat i gënjeshtërt, nuk shfrytëzuam rastet tona

Trajneri Albert Bunjaki e cilëson si jo të drejtë humbjen 6-0 nga Kroacia. Në një prononcim për “SuperSport”-in pas ndeshjes së luajtur në Shkodër, tekniku kosovar tha se diferencën sonte e bëri cilësia e kundërshtarit dhe mungesa e finalizimit nga ekipi i tij.

BunjakiPrononcimi i Bunjakit:“Luajtëm ndaj një kundërshtari të fortë, por rezultati 6-0 nuk është real. E kemi nisur me Haitin dhe sot jemi këtu, duke luajtur ndaj një rivali tepër cilësor si Kroacia. Jemi një brez i ri dhe është mirë që kemi ndeshje të tilla të vështira. Patëm raste të mira në pjesën e parë, që mund t’i kishin dhënë energji tjetër ekipit tonë nëse do t’i kishim shfrytëzuar. Diferencën e bëri aftësia për të shfrytëzuar rastet e krijuara. Ne nuk e bëmë, kurse kundërshtari na ndëshkoi në çdo mundësi që pati”.Për formacionin

“Formacion sulmues? Jo, ka qenë mbrojtës me detyra për të kundërsulmuar. Kroacia bëri diferencën me lojtarët cilësorë. Patëm gjashtë mesfushorë, të cilët kishin për detyrë të kundërsulmonin. E ndryshuam rreshtimin gjatë lojës dhe në fund e mbyllëm me dy mesfushorë mbrojtës. Zgjedhjet i bëmë bazuar në formën e lojtarëve, ndërsa na ndëshkuan edhe mungesat e Enis Alushit dhe Loret Sadikut”.Pepa në vend të Rrahmanit
“Menduam se Avni Pepa ishte më i lëvizshëm dhe më i përshtatshëm për të mbuluar Manxukiçin. Ndoshta në të ardhmen mund të luajmë me tre qendërmbrojtës përballë kundërshtarëve të tillë”.