Hajdutët u bëjnë një surprizë banorëve në Fier, lënë disa “viktima”

Banorët e Fierit janë zgjuar disi ndryshe mëngjesin e sotshëm. Ata kanë marrë një “dhuratë surprizë” nga hajdutët ordinerë, të cilët kanë preferuar të provojnë disa pjesë të automjeteve të banorëve të lagjes “Konferenca e Pezës”.

Siç mund ta shikoni nga fotot dhe nga videoja e mëposhtme, disa prej automjeteve që ishin të parkuara shumë pranë qendrës së Fierit, gjatë natës iu kanë vjedhur pasqyrat, por edhe fshirëset e xhamave.

Duket e çuditshme, por të tilla vjedhje ordinere vijojnë edhe sot e kësaj dite. Siç raporton qytetari, vetëm dje janë vjedhur mbi 10 automjete, ndërsa ky rast përsëritet çdo vit.

“Keta jane 2 prej viktimave. Kishte dhe nga ata qe vec pasqyrave u mungonin e fshireset e xhamave. Ky eshte viti i trete qe kjo lagje bie pre e vjedhjeve masive njehere ne vit. Lagja “Konferenca e Pezes”, ne qender te Fierit. Me gjithe makinen time. Ishin 4 vetem aty. Po ne te gjithe lagjen mbi 10 mesa degjova”,- shkruan qytetari për “Jetaoshqef”./JOQ/