Hajvalinë nuk do t’i pranoja 6 gola nga Kroacia

Ismet Munishi mendon se Albert Bunjaki është fajtori kryesor për humbjen turpëruese nga Kroacia
Trajneri Ismet Munishi ka kritikuar ashpër trajnerin e Kombëtares së Kosovës, Albert Bunjaki, pas humbjes shokuese 6:0 nga Kroacia.

Ish-trajneri i Hajvalisë deklaroi se Bunjaki po e nënvlerëson Superligën e Kosovës, teksa shtoi se as me Hajvalinë nuk do të kishte pranuar kaq shumë gola.

“Unë me Hajvalinë nuk do t’i pranoja 6 gola, se do të mbrohesha 2-3 eventualisht”, tha fillimisht ai.

“Edhe po të akordohej ajo penalti, rezultati ishte real në raport me lojën. Edhe 10 gola po të hynin, rezultati do të ishte real”, shtoi Munishi, i cili përgjegjësinë për humbjen ia ka hedhur trajnerit Albert Bunjaki e jo lojtarëve.