Harta/12 tërmete lëkundën Shqipërinë orët e fundit, parashikohen tronditje të tjera të tokës

Hartat e lëkundjeve të fundit sizmike botërore, tregojnë se përgjatë 12 orëve të fundit Shqipëria është prekur nga të paktën 12 tërmete, epiqendra e të cilave ka qenë pjesa veriore e Greqisë dhe kryesisht zona e Janinës.

Sipas të dhënave të marra nga sateliti mesatarja e këtyre tronditjeve të tokës ka arritur në një magnitudë 4.5-5 ballë, ndërkohë që lëkundja e fundit është regjistruar jo më larg se 2 orë më parë.

Zonat ku tërmeti është ndjerë më i fortë kanë qenë ato të Gjirokastrës, Sarandës, Përmetit e Korcës, por edhe zonat bregdetare dhe Tepelena. Këto lëkundje sizmike janë ndjerë të forta edhe në kryeqytet, ndërkohë që sizmiologët kanë pohuar se numri i lëkundjeve të vogla që këto tërmete kanë lënë pas, është regjistruar deri në 70 të tilla, pasi sipas tyre lëkundje me magnituda kaq të larta shoqërohen nga tërmete të tjera pasues, por më të vegjël.

Duke qenë se Ballkani mbetet një zonë me aktivitet të lartë sizmik, specialistët nuk përjashtojnë mundësinë e përsëritjes së tërmeteve në vijimësi.

harta-e-termeteve-768x358

tronditje-550x375