Hiqej si biznesmen, i dënuari për drogë dhe prostitucion kapet në Itali,

Një shqiptar i dënuar më parë për trafik droge dhe prostitucion është kapur nga autoritetet italiane në aeroportin e Peruxhas.

Shqiptari 23-vjeçar u paraqit para agjentëve si një person që merrej me tregtimin e automjeteve. Mirëpo, kur Policia kërkoi biletën e kthimit dhe rezervimin e hotelit, shqiptari nuk kishte as njërën dhe as tjetrën.

Pas verifikimeve, u zbulua se ai ishte dënuar më parë në Itali për drogë dhe prostitucion dhe ishte shpallur person i padëshiruar.

Me vete shqiptari kishte edhe 2 mijë euro.