Hiqej si punonjës i Konsullatës Kanadeze, kapet mashtruesi i vizave

Policia e Tiranës ka arrestuar ditën e sotme një person, i cili ka mashtruar një qytetar se ishte punonjës i Konsullatës Kanadeze dhe se do t’i nxirrte vizë atij edhe familjes për në Kanada.

I arrestuari është 46-vjeçari Fatmir Alla. Arrestimi i tij u bë rreth orës 18:00 të ditës së sotme.

Alla dyshohet se i ka marrë 70 mijë euro Kastriot Cacës, 44-vjeçar, me pretendimin se do t’i mundësonte një vizë bashkë me familjen për në Kanada.