“Hiqni dorë nga sjellja e vëllait të madh ndaj Kosovës”

Avokati Dastid Pallaska i ftuar në emisionin Opinion në TV Klan në lidhje me debatin nëse kemi dy kombëtare apo dy kombe, tha unë nuk mund të pranoj një debat që fillon me përqeshjen e simbole shtetërore.

Pallaska bëri me dije se simbolet e shtetit të Kosovës janë të imponuara nga BE dhe Kosova nuk është as e Serbisë dhe as e Shqipërisë, ajo është një shtet në vete.

“Këtë nuk arrini të kuptoni ju. Shqipëria sillet ndaj Kosovës sikur sillet Serbia ndaj republikës sërbska, qasja paternaliste që tejkalon qasjen e vëllait të madh, shfaqet kryesisht në tendencat ku përqeshet flamuri i Kosovës. Serbia mund të sillet në këtë mënyrë me republikën Sërbska, sepse e krijoi vetë atë. Ndërsa ne u krijuam me atë rezistencë të vogël që patëm, dhe me ndihmën e ndërkombëtarëve”, tha Pallaska.