Historike, jepet kartoni i parë i gjelbërt në historinë e futbollit, ja kush e mori

Cristiano Galano është lojtari i parë që ka marrë kartonin e gjelbër. Në fillim të sezonit, kampionati i dytë italian zgjodhi të nderonte lojtarët që do të tregonin ‘fair play’ gjatë ndeshjeve. Dhe të martën në veri-perëndim të Italisë, ndodhi momenti historik teksa arbitri Marco Mainardi vendosi se Galano meritonte të ishte pjesë e historisë. Në minutën e 53-të, Vicensa-s iu akordua një goditje këndi, por sulmuesi Galano pranoi se asnjë lojtar i Virtus Entella nuk e kishte prekur topin.

Ndërsa arbitrave nuk i është dhënë një karton i gjelbër për ta treguar në fushë, të gjithë ata që e marrin do të dokumentohen në garën se kush do të marrë më shumë kartonë të gjelbër në fund të sezonit. Por presidenti i Seria B Andrea Abodi u shpreh se lojtarët do ta marrin kartonin vetëm po bënë një gjest të jashtëzakonshëm. “Është një çmim simbolik. Mund të jetë diçka shumë e thjeshtë. gjëra e rëndësishme është të vlerësojmë profesionistin që do të bëjë një gjest ekzemplar.”