Hodhën thasët me hashash në hidrovor, pranga 2 të rinjve ne Kurbin

Policia e Lezhës ka bërë të mundur arrestimin e dy të rinjve, pasi akuzohen për trafik droge. Mësohet se ditën e djeshme, policia ka konstatuar mjetin me targë AA 814 GD, ku gjatë kontrollit të ushtruar iu gjet dhe sekuestrua në cilësinë e provës materiale, 11 kg lëndë narkotike e llojit Cannabis Sattiva e futur në 2 thasë të zinj, e fshehur në mjet.

Uniformat blu kanë bërë të mundur arrestimin në flagrancë të Nikoll Koca, 25 vjeç, banues në Adriatik – Kurbin dhe Rajmond Prenga, 21 vjeç, banues në Kurbin

Gjithashtu, po ditën e djeshme janë gjetur 15 thasë të mbushur me mbetje të bimëve narkotike Cannabis -Sattiva në Hidrovor – Adriatik, Kurbin dhe dy personat e mësipërm dyshohen si poseduesit e tyre.

Materialet procedurale u referuan Prokurorisë së Rrethit Gjyqësor Kurbin për veprën penale “Prodhim dhe shitje e lëndëve narkotike”.