Homazhe për komandant Ilirin në 10-vjetorin e rënies së tij

Të mërkurën, më 19 tetor, me rastin e 10-vjetorit të rënies së Isa Likës, i njohur si komandant Iliri, i cili ka drejtuar brigadën 112 ”Mujdin Aliu” të UÇK-së, do të mbahen homazhe e nderime në vendprehjen e tij tek kompleksi memorial i UÇK-së në Tetovë.
Pas homazheve dhe nderimeve, që do të mbahen në orën 16:30, në Universitetin e Tetovës do të mbahet një akademi përkujtimore mbi jetën dhe aktivitetin e komandant Ilirit, shkruan Zhurnal.