Humb Jeremiç, Guterres sekretar i ri i Kombeve të Bashkuara

Antonio Guterres është zgjedhur sekretar i ri i Kombeve të Bashkuara. Lajmi është bërë i ditur nga agjencia e lajmeve AP. Mësohet se Guterres ka triumfuar ndaj kandidatit serb për këtë pozitë, Vuk Jeremiç, i cili ka mbajtur postin e ministrit të jashtëm serb.

Para dite AFP kishte njoftuar se kundër serbit Jeremiç do të jenë fuqitë perëndimore që kanë të drejtë vetoje në Këshillin e Sigurimit: SHBA, Britani e Madhe dhe Francë.

Kundërshtimin ndaj tij këto vendi e kishin bazuar në qëndrimin e Jeremiçit ndaj NATO-s dhe Kosovës. Jeremiç NATO-n e kishte quajtur agresor, ndërsa për Kosovën kishte thënë se ‘vetëm mbi trupin e tij të vdekur do të anëtarësohej në KB’.