Humb jetën në aksident i riu shqiptar në Itali

Dorian Pianca, 21-vjeçari shqiptar ka humbur jetën tragjikisht në një aksident rrugor në rajonin e Toskanës në Itali.

Lajmi bëhet i ditur nga mediat italiane të cilat saktësojnë se shqiptari po udhëtonte sëbashku me një 18 vjeçar me një motor.

I riu ka humbur kontrollin e mjetit dhe ka përfunduar jashtë rrugës duke u përplasur me një mur.

Paraprakisht mësohet se shkak i aksidentit ka qenë lagështira në rrugë. 21 vjeçari shqiptar ka humbur jetën në spitalin e Versilia në afërsi të vendngjarjes, ndërsa 18 vjeçari ndodhet në gjëndje të rëndë shëndetësore.