IKMT vë në punë fadromat në Belsh, nis shembjen e 23 objekteve

Inspektorati Kombëtar i Mbrojtjes së Territorit ditën e sotme ka nisur aksionin për prishjen e të paktën 23 objekte një dhe disa katëshe.
Prishje e këtyre objekteve do të bëhet në Bashkinë Belsh në kuadër të projektit “Asambli i Rilindjes Urbane,Belsh”.

Disa nga këto objekte do të prishen me shpërthim të kontrolluar. Objektet janë shpronësuar me vendim të Këshillit të Ministrave.

Ky operacion mendohet të zgjasë një javë deri në dy javë. Po ashtu, IKMT është duke vijuar edhe operacionin në Vlorë, i cili ka hyrë në javën e dytë.