Infiltrohet në bazën ushtarake dhe vret dy ushtarë amerikanë

Dy amerikanë janë vrarë dhe tre të tjerë janë plagosur në një sulm në një bazë të forcave speciale afgane pranë Kabulit, kryeqytetin e Afganistanit, ka konfirmuar ushtria amerikane.

Sulmuesi, identiteti i të cilit nuk bëhet i ditur, raportohet se u vra gjithashtu.

“Çdoherë që humbin një anëtar të ekipit tonë, është shumë e dhimbshme”, ka thënë gjenerali John W. Nicholson, komandanti i forcave amerikano-afgane.

Amerikanët e varë e të plagosur ishin pjesë e misionit të NATO-s, për të trajnuar, këshilluar dhe asistuar forcat afgane të sigurisë.

Rrethanat e sakta të sulmit janë duke u hetuar, tha komandanti, por ka pasur raporte të pakonfirmuara në Kabul se sulmuesi vishte një uniformë të ushtrisë afgane.

Sulmi u zhvillua në qendrën e trajnimit të forcave speciale afgane në Rishkor, lagje e Kabulit, ka thënë Dawlat Waziri, zëdhënësi i Ministrisë së Mbrojtjes afgane.

Ushtarë ndërkombëtare dhe këshilltarë vizituan bazën rreth orës 11, kur një ata që trajnoheshin hapi zjarr, u tha Waziri reporterëve.