Ishte shpallur në kërkim, i moshuari gjendet i mbytur në Vjosë

Një person është gjetur i mbytur në lumin Vjosë, një ditë më parë.

Burime zyrtare nga policia e Tepelenës bëjnë me dije se, rreth orës 11:00, u gjet gjetur i mbytur në lumë dhe pa shenja dhune 63-vjeçari Xh.Zh., banues në Memaliaj, i cili ishte në kërkim.

Ai është gjetur pranë vendit të quajtur “Ura e Luftinjës”, shtojnë të njëjtat burime. Materialet për këtë rast u referuan në Prokurorinë e Rrethit Gjyqësor Gjirokastër.