ISIS ekzekuton 284 burra dhe djem

ISIS ka ekzekutuar qindra burra dhe djem duke i përdorur ata si mburoja njerëzore për t’u mbrojtur kundër avancimit të forcave të koalicionit në Mosul.

Grupi terrorist ka përdorur një buldozer për të hedhur trupat në një varr masiv në Kolegjin. 284 viktimat, duke përfshirë edhe fëmijë, thuhet se janë qëlluar me armë. Disa nga familjet të marra peng nga Shteti Islamik arritën të kthehen në shtëpi, ndërsa të tjerët do të vazhdojnë të përdoren si mburoja njerëzore nga xhihadistët.

Familjet janë duke valëvitur flamurin e bardhë si shenjë kërkese ndaj terroristëve për të mos i përdorur më si mburoja ndaj avancimit të forcave të koalicionit në betejën për Mosulin në Irak.

Përmes disa fotove tregohet gjendja e dëshpëruar e familjeve dhe fëmijëve të cilët nuk janë duke luajtur me biçikletë apo lojëra të tjera si gjithë moshatarët e tyre, por janë duke valëvitur flamurin e bardhë duke shpresuar se do t’u japin fund vrasjeve masive.