ISIS po planifikon sulme ndaj centraleve bërthamore

Xhihadistët e Shtetit Islamik (ISIS), janë duke planifikuar sulme terroriste ndaj centraleve bërthamore në Evropë, paralajmërojnë Kombet e Bashkuara.
Paralajmërimi i tyre erdhi pasi që doli se një central i paemëruar bërthamor ishte cak i një sulmi militant kibernetik para dy vitesh, i cili kishte shkaktuar ndërprerje në operimet e saj, transmeton Express.

Po ashtu, raportohet se sulmuesit e Brukselit, të cilët e sulmuan me bomba aeroportin e kryeqytetit belg, kishin bërë kërkime më herët rreth mënyrës se si ta rrënonin një central bërthamor në Belgjikë.

Shefja e Agjencisë Ndërkombëtare Energjike dhe Atomike (IAEA), Yukiya Amano, zbuloi gjatë një vizite në Gjermani se një terrorist kishte tentuar që të vjedhë uranium shumë të pasur nga një central bërthamor, i cili do të mund të ishte përdorur për ndërtimin e një bombe të pistë.

“Ky nuk është rrezik imagjinar. Kjo çështje e sulmeve kibernetike në centrale bërthamore duhet të merret seriozisht,” ka thënë ajo.