Italianët kapin gomonen me 734 kg kanabis, policia shqiptare e shet si aksion të vetin. Emrat e skafistëve

Mëngjesin e sotëm policia italiane ka kapur një gomone me 734 kilogramë kanabis sativa dhe në pranga janë vënë dy vlonjate, skafistë të mjetit që po transportonte drogën.

Por ndërsa policia italiane tregon se ka bërë një ndjekje të gjatë të gomones, mesditën e sotme policia shqiptare deklaron se kanë qenë ata që i kanë njoftuar kolegët e Italisë.

Kjo gjë nuk përmendet në asnjë deklaratë të policisë italiane.

Në orët e para të mëngjesit së ditës së sotme njësitë aerodetare të Guardia di Finanza ka arritur të ndalojnë një gomone rreth 6 metra të gjatë me dy skafistët shqiptarë me inicialet A. P., 43 vjeç dhe G. S.m 39 vjeç në bord, të cilët transportonin rreth 734 kg Kanabis.

Gomonia kishte dy motorë  prej 250 Kuaj-fuqi dhe një tjetër motor rezervë në bord.  Të ndihmuar nga njësia ajrore e Frontex me avion dhe helikopter të Guardia di Finanza është bërë i mundur ndalimi dhe sekuestrimi i gomones.

Personat  në bord janë arrestuar nga autoritetet policore italiane. Policia e Shtetit thotë se ka shkëmbyer në kohë  informacion me GdF dhe po punohet bashkarisht për hetimin e ngjarjes.