Ja si e komentojnë mediat spanjolle dhe italiane fitoren e Shqipërisë

“Shqipëria vazhdon të dominojë grupin e Spanjës” është titulli që gazeta sportive spanjolle “AS” ka për lajmin mbi fitoren e kuqezinjve ndaj Lihtenshtejnit.

“Shqipëria mori fitoren e dytë në grup, duke u ngjitur mbi Spanjën dhe Italinë. Vendi Ballkanit që demonstroi prezencën e vet në Kampionatin Evropian, pas fitores ndaj Maqedonisë dhe Lihtenshtejnit nuk është një kundërshtar i lehtë në teori”.

“Spanja do të ketë një ndeshje të vështirë të dielën”, mbyllet shkrimi i “AS”.

Ndërsa “Sport Mediaset” shkruan se Shqipëria nuk bën gabime, në grupin e Italisë kryeson Shqipëria e De Biazit.

Kurse “Gazzetta dello Sport” del me titullin “De Biazi i vetëm në krye”. E përditshmja italiane në versionin e vet online i kushton hapësirë edhe humbjes së Kosovës 6-0 ndaj Kroacisë. /Panorama/