Ja si mund të parandalohet kanceri i gjirit

Studimi, i realizuar nga Shoqata Amerikane e Kancerit tregoi se sa më aktive janë gratë, aq më pak janë të prirura për tu zhvilluar kanceri i gjirit.

Kanceri i gjirit është një sëmundje shumë e shpeshtë dhe e frikshme. Por ka edhe gjëra të tjera përveç stërvitjeve, të cilat ju mund t’i bëni për të ulur gjasat e prekjes. Ja pesë hapa të cilat janë në duart tuaja. -Hiqni kilogramët e tepërta Një studim tjetër ka treguar se një e katërta e të gjitha rasteve me kancer gjiri mund të parandalohen nëse femrat arrijnë ta ruajnë peshën e shëndetshme. Në këtë rast estrogjeni deponohet në indin dhjamor, dhe sa më shumë dhjam aq më shumë estrogjen, nivelet e larta të këtij hormoni rrisin rrezikun për zhvillim të kancerit të gjirit. -Reduktoni konsumimin e alkoolit Studimet kanë treguar se pirja e dy ose më shumë pijeve alkoolike në ditë rrit rrezikun tuaj për kancer të gjirit deri në 20%. Rekomandohet që gratë të kufizojnë alkoolin në një pije ose më pak në ditë. Shkencëtarët mendojnë se alkooli ndikon në mënyrën se si trupi juaj e metalizon estrogjenin, duke rritur nivelet e tij. -Mësoni dendësinë e indit të gjinjve tuaj Mbase keni dëgjuar se duke pasur ind të dendur të gjirit rrit gjasat për kancer gjiri. Por a e dini sa është dendësia e gjirit tuaj? Gjinjtë dallojnë shumë sa i takon dendësisë, që përcaktohet nëse ato kanë më shumë ind fibrozë dhe gjëndra ose më shumë dhjam. Nëse nuk e dini se në cilin grup të dendësisë së gjirit bëni, bisedoni me mjekun tuaj dhe gjejeni. Kjo është e rëndësishme pasi nëse bëni pjesë në grupin e grave të cilat në kanë ind të dendur të gjirit (66% e grave në paramenopauzë dhe 25% pas menopauzës), ju duhet të bëni mamogram më shumë se sa një herë në vit. Një studim ka gjetur se mamogramet heqin 60% të tumoreve të gjetura përmes ultrazërit te femrat me ind të dendur të gjirit. -Konsumoni antioksidues Ushqimet e caktuara të pasura me bioflavonoide është vërtetuar se kanë efekt mbrojtës si për kancerin e gjirit, ashtu edhe për llojet e tjera të kancerit. Rekomandohet të konsumoni fruta dhe perime shumëngjyrëshe, fasule dhe bishtajore, të cilat janë veçanërisht të pasura me antioksidues. Lista e ushqimeve të mundshme anti-kanceroze përbëhet nga: frutat kokrrizore (manaferrat, luleshtrydhet, boronicat), domatet, hudhra, patatet e ëmbla dhe rrushi. Studimet amerikane po ashtu kanë gjetur se spinaqi, brokoli dhe perimet e tjera degëzuese mbrojnë nga lloje të caktuara të kancerit. -Hiqni dorë nga duhani Çdokush e di se pirja e duhanit nxit kancerin e mushkërive, por shumica nuk e kuptojnë se duhani mund të ndihmojë edhe në zhvillimin e kancerit të gjirit. Studimi po ashtu ka treguar se shkalla e prekjes nga kanceri i gjirit është më e lartë te gratë të cilat kanë filluar pirjen e duhanit në moshë të re./living/