Jo vetëm njerëzve, ISIS-i i shpall luftë edhe …maceve

Sikur te mos mjaftonin masakrat kundër njerëzve, ISIS-i ka miratuar një ligj edhe kundër maceve duke deklaruar të hapur rrugën për shfarosjen e tyre.

Në Mosul, fortesa e fundit irakiane në duart e xhihadistëve, hartoi një ligj islamik që ndalon mbajtjen e maceve nëpër shtëpi.

Lajmi është bërë publik nga televizion irakian Al Sumeria. Banorëve të qytetit u është bërë thirrje t’u binden ligjit dhe të mos bëjnë rezistencë ndaj direktivës së dhënë nga njerëzit e al-Baghdadi, të autorizuar për të gjetur dhe vrarë këto kafshë.

Sipas asaj që shkruhet në dekret, macet duket se shkojnë kundër vizionit dhe ideologjisë së besimit të xhihadistëve.

Theksojmë se në fenë myslimane macja konsiderohet një kafshë e pastër dhe e bekuar aq sa vetë Profeti Muhamed u kujdes për një prej tyre.