Kadri Veseli: Shpesh e vizitoj veriun, por nuk e shfaqi publikisht

I pari i PDK-së dhe kryetari i Kuvendit Kadri Veseli ka thënë se shumë shpesh viziton veriun e Mitrovicës, por këtë nuk e shfaq publikisht.
 Veseli pas takimit që ka pasur me nënkryetarin e komunës së Leposaviqit, Mihret Salkoviq, ka folur para gazetarëve, duke treguar këtë detaj.

Shefi i Kuvendit, ka thënë se shumë shpejt do ta vizitojë edhe   Komunën e Leposaviqit, pasi e kanë ftuar Lista Serbe.

Veseli ka folur edhe për kthimin ministrave serbë në Qeveri, për të cilët tha se pret shumë shpejt që ata të kthehen.

“Zyrtarisht ende s’janë kthyer por kemi kontakte. E kanë një qëndrim politik por besoj që shpejt do të përmirësohet situata dhe do të kthehen”, tha Veseli.