Kaka: Një ditë do të rikthehem te Milani

Një nga lojtarë më të mirë të viteve të fundit tek skuadra e Milanit, Rikardo Kaka ka deklaruar se mund të rikthehet në të ardhmen sërish te kuqezinjtë.

Në një intervistë për mikrofonin e kanalit informativ të FIFA-s, Kaka deklaroi se për momentin është i lumtur në SHBA, por nuk e mohoi dëshirën për t’u veshur sërish kuqezi në të ardhmen, ndonëse tashmë është në moshën 33-vjeçare.

“Kurrë mos thuaj kurrë! Më pëlqen ideja për t’u rikthyer te Milani. Sigurisht, jo tani, pasi jam i lumtur që po luaj në MLS me Orlando Cityn. Gjithsesi, e di se në çdo moment, te Milani është një derë e hapur për mua. E adhuroj Milanin, sepse më ka dhënë shumë”, ka thënë Kaka.