Kaos në Aeroportin e Londrës, bllokohen rreth 5,000 pasagjerë

Rreth 5,000 pasagjerë në Aeroportin Stansted në Londër natën e kaluar u përballën me skena kaotike, për shkak të kontrollimit të pasaportave.

Daily Mail shkruan se në aeroport dëgjoheshin fëmijë duke qajtur, ndërsa pasagjerët kërkonin të kryenin më shpejtë këtë procedurë.

Pasagjerët e zemëruar e përshkruan këtë si ‘skena qesharake’ dhe ‘radhë tronditëse të gjata “, ndërsa disa të tjerë thanë se ‘Vendet e botës së tretë janë më të shpejta se sa ju’.

Zyrtarët e aeroportit thanë se të hënën në mbrëmje është një nga kohët më të ngarkuara të ardhje/shkuarjeve.

Disa pasagjerë pretendojnë se sekretari Amber Rudd duhet të kërkojë falje.