Kapen 12 kg drogë në portin e Durrësit

Një burrë është kapur me një sasi droge në portin e Durrësit, lëndë narkotike që kishte si destinacion Italinë. Burimet thanë se Policia Kufitare në bashkëpunim me oficerët e Narkotikëve kanë vënë në pranga Hamdi Nderjaku 51 vjeç, banues në Shijak, të cilit i është gjetur një sasi prej 12 kilogramësh drogë.

Mbrëmjen e djeshme në Portin e Durrësit, gjatë kontrollit të ushtruar në vijën e dytë në automjetin kamion Reno me targa AA 655 FF, që drejtohej nga shtetasi i lartpërmendur, në kabinë u gjet dhe u sekuestrua rreth 12 kg lëndë narkotike e dyshuar e llojit kanabis sativa.

Dosja me materiale i ka kaluar Prokurorisë së Krimeve të Rënda Tiranë për hetime të tjera për veprën penale “Trafikimi i narkotikëve” e mbetur në tentativë.