Kapen 1200 bimë kanabis në Ishëm, po thaheshin në dy baraka

Plot 1200 bimë narkotike në proces tharje janë sekuestruar në zonën e Ishmit, gjatë një operacioni antikanabis të policisë së Durrësit. Ky aksion i policisë, vjen pak javë nga zbulimi i pistës në Ishëm, e cila dyshohet se përdorej për transportin e lëndëve narkotike.

Burime nga policia e Durrësit sqarojnë se operacioni është përqendruar në zonën malore Ishëm-Krujë, ku janë zbuluar dy baraka që shërbejnë për tharjen e bimës narkotike.