Kapen duke vjedhur parfume, policia arreston policët

Policia kosovare ka arrestuar në flagrancë dy efektivë duke vjedhur parfume në Aeroportin Ndërkombëtar të Prishtinës “Adem Jashari”. Mediat kosovare raportojnë se ngjarja ka ndodhur disa ditë më parë dhe ndaj policëve janë marrë masa për shkeljen.

Mësohet se policët janë pezulluar nga detyra dhe ndaj tyre kanë nisur hetimet. Policët i përkasin Drejtorisë së Policisë Kufitare dhe njëri prej tyre mban edhe gradën e rreshterit.