Kapen dy italianë me një gomone në Dhërmi, dyshime për trafik droge

Një gomone me dy shtetas italianë në bord është kapur mbrëmjen e djeshme në Dhërmi të Vlorës.

Lajmin e kanë konfirmuar për “Panorama” burimet zyrtare të policisë të cilat thanë se gomonia u sekuestrua gjatë natës nga policia kufitare.

Paraprakisht dyshohet se gomonia kishte ardhur në Shqipëri për të marrë drogë dhe më pas për ta transportuar atë në Itali.

Mjeti lundrues është me dy motorë të fuqishëm. Megjithatë policia tha se nga kontrolli i gomones, rezulton se në të nuk kishte lëndë narkotike.