Kapet hajduti profesionist dhe shoku i tij, ja ku i fshihte ‘mjetet e punës’

Policia e Vlorës ka arrestuar një person të shpallur në kërkim prej një viti për vjedhjen e një banese të një shtetasi amerikan në 2015-ën!

14647396_272039266529406_786508447_o
Në pranga ra shtetasi Ledjon Hamiti, 21 vjeç, banues në qytetin bregdetar. Seksioni për Hetimin e Krimit, ka bërë të mundur arrestimin e këtij personi i cili ka qenë shpallur në kërkim për vjedhjen e një banese në pronësi të një shtetasi amerikan (2015), ngjarje për të cilën është arrestuar bashkëpunëtori i tij shtetasi A.M.

Gjithashtu, Policia ka arrestuar në flagrancë një shtetas tjetër bashkëpunëtorë, të quajtur:
2. Florjan Janku, 27 vjeç, banues në Vlorë.

Arrestimi i tij u krye për arsye se gjatë kontrollit të ushtruar në një banesë në lagjen “Lirimi” në pronësi të shtetasit Gj.Y (i cili jeton në Greqi), nën ruajtjen e shtetasit Florjan Janku, Policia ka gjetur dhe sekuestruar në cilësinë e provës materiale, një bazë të gjerë materialesh dhe mjete të posacme nën posedimin e Ledion Hamitit, të cilat dyshohet se përdoreshin nga nga të dy shtetasit e mësipërm për të realizuar vjedhjet e banesave.

Ndër materialet e sekuestruara, janë:
– 2 granata difensive
– 2 ndezës granatash
– 38 fishekë të kalibrit 7.62 mm
– 1 silenciator pistolete
– 1 qese e vogël me lëndë eksplozive
– 2 pinca të mëdha prej hekuri për prerjen e metaleve
– 2 litarë, njëri prejt tyre i përbëre me nyje dhe ganxhë prej hekuri për vjedhjen e banesave me kate
– 1 pajisje metalike për hapjen e dyerve
– levë, kaçavida, doreza, çanta etj.

Ledjon Hamiti është person me precedent penal të mëparshëm pasi nga verifikimet e kryera ka rezultuar se është dënuar disa herë në fushën e vjedhjeve.

Nga hetimet e kryera, dyshohet se këta shtetas mund të jenë autorë të disa vjedhjeve të tjera të kryera në qytetin e Vlorës, për të cilat Policia po punon për dokumentimin e plotë të tyre.