Kapet në një lokal në Tiranë fieraku i shpallur në kërkim. Emri

Policia e Tiranës ka arrestuar një person i cili ishte shpallur në kërkim pasi akuzohet për veprën Penale “Trafikim i personave te rritur”.

Nga specialistët e seksionit të Trafiqeve të Paligjshme pranë Drejtorisë Vendore të Policise Tiranë, në rrugën “Sulejman Delvina”, në ambjentet e një bar kafeje, pas informacioneve te marra në rrugë operative, kanë bërë te mundur kapjen e më pas ndalimin e shtetasit Rezart Merkaj, 35 vjeç, lindur dhe banues në Fier.

Ky shtetas ishte i shpallur në kërkim pasi Prokuroria pranë Gjykates së Shkallës parë Tiranë ka dërguar urdherin e dates.17.06.2016 për ekzekutimin e vendimit penal datë 16.06.2016 të Gjykatës Shkallës Shkallës së Parë Krimeve të Rënda Tiranë, e cila ka caktuar masen e sigurise “Arrest me burg” për Veprën Penale të “Trafikim i personave te rritur” parashikuar nga neni 110/a/2 te Kodit.Penal .