Kapet shoferi që donte ti jepte lek policit se nuk kishte rripin e vënë

Arrestohet në flagrancë një shofer pasi tentoi t’i jepte para punonjësit të policisë për të mos marrë gjobë.

Sot është bërë arrestimi në flagrancë i  Sefer Bufi, 38 vjeç,  banues në Berat.

Ky person u arrestua sepse paraditen e sotme rreth orës 11:00, në rrugën nacionale Berat-Lushnje, në vendin e quajtur “Protoduarët”, është ndaluar nga Policia Berat, për arsye se ka qënë duke drejtuar mjetin e tij tip “Mercedes Benz ATP”, me targa BR 1659 B, në shkelje të Kodit Rrugor.

Në momentin e ndalimit ky person ka tentuar t’i jap një shumë parash punonjësit të policisë rrugore për të mos marrë masë administrative.

Dosja i kaloi Prokurorisë së Beratit, për akuzën e “Korrupsion aktiv i personave që ushtrojnë funksione publike”.