Këshilltari i Ronald Regan: Mos e lini fatin në dorë të qeverisjes

Një grup të rinjsh dhe intelektualë në kryeqytet, patën rastin të takojnë dhe të bisedojnë me një ndër bashkëpunëtorët më të ngushtë të ish-presidentit amerikan Ronald Regan. I ftuar nga Forumi Rinor Republikan, Jack Wheeler, i njohur edhe si themeluesi i doktrines se Reganit kundër ish-Bashkimit Sovjetik, se bashku me kryetarin e Partisë Republikane, Fatmir Mediu, zhvilluan një takim të përzemërt dhe të hapur me të rinjtë që mbështesin idetë e djathta dhe që aspirojnë të futen në politikë.

Në fjalën e tij e para të rinjve, zoti Wheeler u shpreh se nuk është asnjëherë vonë për të ndërmarrë aksionin e duhur, për te qenë pjesë e vendimarrjes dhe për të mos e lenë fatin në duart e atyre që të qeverisin.

“Qytetarët, sidomos të rinjtë, duhet të jenë zot të fateve të tyre të u shpreh u ai. Nuk duhet ta lini veten të udhëhiqeni apo të mposhteni nga zilia për arritjet e të tjerëve, pasi kështu do të shkoni drejt Komunizmit, Fazhizmit ose Terrorizmit. Por duhet të punoni që edhe ju të keni suksese dhe arritje në jetë, duke forcuar në kë mënyrë shtyllat e demokracisë në vendin tuaj” u shpreh Wheeler.

Gjatë diskutimeve të hapura dhe mjaft entuziaste, Wheeler tregoi edhe eksperiencat e jashtëzakonshme të përjetuara nga afër në momentet më të vështira të Luftës së Ftohtë, strategjitë dhe arritjet e Shteteve të Bashkuara kundër spiunazhit dhe KGB-së ruse, por gjithashtu dha shpjegime edhe në lidhje me zhvillimet e fundit të gjeopolitikës në Europën Lindore dhe Ballkan, apo edhe mbi sfidën e fundit që është lufta me ISIS dhe Terrorizmin.

Gjithashtu gjatë këtij takimi e mori fjalën dhe kryetari i Partisë Republikanë shqiptare Fatmir Mediu, i cili duke folur për idetë e djathta që kanë udhëhequr drejt zhvillimit vendet më të fuqishme të planetit, u ndal edhe në situatën në vend, duke vënë në dukje tendencën e qartë të qeverisë Rama për të nënshtruar njerëzit me anë të frikës dhe skamjes.

“Çështja është se ku e ka gjithë fuqinë e kontrollit të pushtetit Rama? Mënyra për të kontrolluar një shoqëri është varfëria e para. Varfëria krijon një grup të caktuar njerëzish që vetëm pret nga shteti dhe shteti i ka nën kontroll. Dhe tendeca e socialistëve sot është që të zgjerohet kjo masë. E dyta është frika. Kur ka varfëria dhe frikë, kjo e bën shoqërinë akoma më pasive. E treta është që për shkak të varfërisë dhe për shkak të frikës, largimi masiv i pjesës më aktive të shoqërisë. Pra kjo rrjedhje truri nuk është e rastësishme. Dhe kënaqësia e Ramës, që e konsideron këtë si një fenomen normal, nuk është e rastësishme”, theksoi Fatmir Mediu.