Kirurgët “çelësi i suksesit”, PS garon me një tjetër për Kolonjën

Partia Socialiste suksesin që korri në Dibër me Muharrem Ramën kërkon ta përsërisë në Kolonjë me kandidatin Ilia Stefa. është një tjetër kirurg në garë për zgjedhjet e pjesshme lokale që mbahen në Kolonjë pas vdekjes së Arben Malos.

Emri i kandidatit të ri u publikua sot nga Pandeli Majko i cili foli në përfundim të grupit parlamentar të Partisë Socialiste. “U diskutua për zgjedhjet për Bashkinë e Kolonjës. Ne mendojmë se kandidati që kemi zgjedhur, kirurgu , ka dhënë prova në shërbim të qytetarëve dhe shërbimin si mjek do ta kalojë në shërbim menaxherial. Ne jemi të bindur se kjo është zgjedhja e duhur, ndaj në këtë mbledhje kemi miratuar kandidaturën e tij”, ka thënë Majko.

Përballë Ilia Stefës në Kolonjë është  Dritan Hajro nga Partia Agrare por që ka mbështjen e PD-së.

Kjo është kandidatura e dytë e PS për pushtetin lokal që vjen nga radhët e mjekësisë, pas asaj të Muharrem Ramës, që në Dibër fitoi kundër kandidatit demokrat Sherefedin Shehu.