Kirurgët në Nju Jork ndajnë me sukses, binjakët 13-muajsh të ngjitur në kokë

Dy bebe binjakë të bashkuar në kokë janë ndarë me sukses të premten në mëngjes pas nëj operacioni në Spitalin e Fëmijëve në Qendrën Mjekësore Montefiore në Bronx.

Jadon dhe Anias McDonald, dy djem 13-muajsh, iu nënshtruan një operacioni në orën 6 të mëngjesit që do të rindërtonte kafkat e tyre.

Operacioni u drejtua nga Dr. James Goodrich, eksperti kryesor i këtij lloji kirurgjie. Ndarja e kokës së përbashkët në dy kokë mori afërsish 16 orë e gjysëm.

Ky rast shënoi operacionin e shtatë të kryer nga Goodrich dhe të 59-in në botë të që nga viti 1952.

Prindërve të  binjakëve, Nicole dhe Christian McDonald, iu desh të merrnin një vendim të dhimbshëm për të zgjedhur këtë procedurë që përmbante rreziqe të mëdha, përfshirë mundësinë e vdekjes ose dëmtimit afatgjatë të trurit për njërin ose të dy fëmijët, përcjell syri.net.

Goodrich i informoi familjen për ndarjen e kokës së fëmijëve në orën 3:00 të mëngjesit: “Mirë, pra, ne e bëmë,” tha Goodrich.

Mamaja Nicole, në faqen e saj në Fb, ka shkruar: “Dy bebe më vete!”… dhe mua akoma më dhemb pasiguria e së ardhmes së tyre. Unë nuk qava derisa kirurgët ikën nga dhoma. Mezi qeshë në gjendje të thoja fjalën “faleminderit” për shkak të boshllëkut të rëndë në stomak. Jemi në prag të një të panjohure të madhe. Muajt e ardhshëm do të jenë kritikë përsa i përket shërimit dhe ne nuk e dimë me siguri sesi Anias dhe Jadon do të jenë gjatë rikuperimit për disa javë.

Ky moment i dha fund agonisë së pritjes të prindërve të dy djemve. Ata të dy dhe spitali ftuan CNN të dokumentonte këtë udhëtimin të rrallë dhe të jashtëzakonshëm të Jadon dhe Anias, duke lejuar CNN të regjistrojë në mënyrë ekskluzive operacionin gjatë gjithë kohës./Syri.net