Klea Huta ka refuzuar aktrimin? Ajo shpjegon arsyet e forta pse i ka thënë “jo” teatrit

Në një intervistë të fundit ajo ka shpjeguar se arsye të tjera kanë ndikuar nga “largimi” i teatrit.

Ajo tashmë është prezantuar para publikut si një show girl e vërtetë, duke zotëruar aftësi të ndryshme në fushën e artit. E lindur për të qënë artiste në këngë, aktrim e prezantim, së fundmi Klea Huta ka hequr dorë nga ftesat për të luajtur në skenën e teatrit.

Në një intervistë për revistën “Who”, ajo ka shpjeguar se për hir të angazhimit në muzikë e ka lënë pak mënjanë aktrimin, por jo se nuk do t’i rikthehet më. Klea tashmë është zyrtarisht konkurente në festivalin “Kënga Magjike”, ku vjen më një bashkëpunim i cili është mirëpritur nga publiku.

“Në fakt është e vërtetë.i kam thënë “jo” teatrit sepse tani ishte një tjetër moment. Dhe ishte një kohë që e kisha rezervuar pikërisht për ‘Amlën’ time”, i është përgjigjur ajo pyetjes në lidhje më këtë temë.