Kosova dhe Kroacia rrezikojnë të dënohen nga FIFA (VIDEO)

Kosova e Kroacia rrezikojnë të dënohen nga FIFA, pas thirrjeve kundër serbëve gjatë ndeshjes në “Loro Boriçi”.

“Në Shkodër u krijua një atmosferë fantastike në lojën kualifikuese për Kupën e Botës 2018, në mes të Kosovës dhe Kroacisë, e cila është ndërprerë nga një grup i tifozëve që në prag të takimit të tyre, brohorisnin “Vrite serbin” dhe “Ngulfate serbin”.

“Kosova dhe shqiptarët vendas që nga mëngjesi ishin bashkë me tifozët kroatë, këndonin së bashku e pinin së bashku. Rruga për te stadiumi “Loro Boriçi” ishte e stërmbushur”, shkroi “24sata.hr”.

Portali kroat “24sata.hr” ka paralajmëruar se të dyja skuadrat mund të dënohen nga FIFA për thirrjen: “Vrite serbin”, para dhe gjatë ndeshjes në stadiumin “Loro Boriçi” në Shkodër.

Kosova u tregua e pafuqishme ndaj Kroacisë në ndeshjes që u zhvillua në “Loro Boriçi” të Shkodrës, duke pësuar humbje me rezultat të thellë 6:0.

Djelmoshat e Kosovës do të tentojnë që të harrojnë sa më shpejt këtë humbje zhgënjyese, për të marrë të paktën një pikë të dielën kundër Ukrainës.