Kosova është në prag të kaosit, e mundshme luftë e re!

Portali kroat Dnevnik.hr shkruan se mosmarrëveshjet rreth kufirit me Malin e Zi mund ta çojnë Kosovën në “kaos total”. Deri tek ky kaos mund të vije pasi që opozita kosovare vlerëson se marrëveshja për demarkacion është njw “tradhti”.

Në Dnevnik theksojnë se për shkak të këtyre kërcënimeve në 4-5 vjetët e ardhshme mund të vije deri te lufta e re në Ballkan.

Siç thekson portali, në bjeshkën e pabanuar të Rugovës në kufirin ndërmjet Kosovës dhe Malit të Zi mund t’i hasësh vetëm disa tufa delesh, megjithatë mosmarrëveshjet rreth definimit të kufijve ndërmjet dy vendeve mund ta shtyjnë Kosovën në kaos.

Ky portal shkruan edhe pwr raportimet e France Press-it se, në kohën e ish-Jugosllavisë, e cila rrëshqiti në luftëra, ai kufi ish i brendshëm dhe asnjëherë nuk ishte përcaktuar saktësisht.

Sipas këtij teksti, marrëveshja për kufirin është thelbësor në përpjekjet e Prishtinës që të lëviz pa viza në BE dhe për perspektivën e ardhshme integruese.

Gjithashtu vlerësohet se është pritur se ratifikimi i marrëveshjet për kufirin do të kalojë lehtësisht marrë parasysh lidhjet miqësore ndërmjet Podgoricës dhe Prishtinës pas njohjes së Kosovës nga Mali i Zi megjithë kundërshtimet e fuqishme të Beogradit, transmeton lajmi.net.

Dnevnik.hr kujton deklaratën e “liderit” të Vetëvendosjes, Albin Kurti, i cili ka thënë se nëse marrëveshja me Malin e Zi kalon kështu siç është, atëherë brenda pak vitesh (4 ose 5) mund të ketë luftë.

Po ashtu në këtë artikull është përfshirë edhe deklarata e kryeministrit të Malit të Zi, Milo Gjukanoviç i cili ka thënë se Mali i Zi nuk synon t’ia merr Kosovës asnjë metër katror, duke e ftuar Prishtinës që ta ratifikojë marrëveshjen.

Në anën tjetër, përmendet edhe presidenti i Kosovës, Hashim Thaçi i cili paralajmëruar se nëse nuk ratifikohet marrëveshja me Malin e Zi, kjo mund të jetë fatale për Kosovën.

Në tekst flet edhe Agron Bajrami, i cili thotë se Kosova është në prag të kaosit. “Stuhia po ngritët qe disa vite. Po duket e pandalshme”, ka paralajmëruar Bajrami.