Krelanë me djathë në tepsi të Muffinsave

Një krelanë më ndryshe nga që keni përgatitur më parë. Provojeni!

Përbërësit: 2 vezë, gjysmë gote uji vaj (100 ml), 1 gotë jogurt (200 ml), 1 lugë e vogël çaji kripë, 1/2 pluhur për pjekje (pecivë), 2 gota uji miell misri, 300 gramë djathë të copëtuar.

Përgatitja: Së pari tepsia me formë lyhet me gjalpë të ftohtë dhe mandej merret një enë e thellë, në të cilën hidhen të gjithë përbërësit me radhë, duke i përzier me tel kuzhine dhe në fund i hidhet djathi i grimcuar dhe përzihet që të formohet një masë homogjene.

Pastaj, me një lugë të madhe mbushen kallëpet në tepsi, të gjitha me radhë dhe mandej futen në furrë të nxehur më parë në temp.200 gr.celsius për 15 min. Bëhen shumë të buta dhe me shije. Ju bëfshin mirë! /