Kreu i ri i KQZ, Majko: Po shqyrtohen kandidatët, vlerësoj Lefterie Lleshin

Deputeti i Partisë Socialist, Pandeli Majko duke folur për zgjedhjen e kryetarit të ri të Komisionit Qendror të Zgjedhjeve ka vlerësuar ish-kryetaren dhe zv.kryetarin, pavarësisht se më parë për Lefterie Lleshin nuk kanë munguar akuzat nga socialistët.

Majko u shpreh se, Komisioni i Ligjeve po shqyrton dokumentacionin e dorëzuar nga kandidatët, duke shtuar se do të ketë intervista publike për të gjithë ata që kanë aplikuar për këtë post.

Ai theksoi se pas këtyre intervistave do të bëhen edhe eliminimet përkatëse, dhe do të vijohet më tej me procesin vetëm me ata kandidatë që do të kalojnë këtë fazë.

“Komisioni i Ligjeve po shikon dokumentet e kandidatëve. Do të ketë intervista publike për kandidatët, dhe pas tyre do të bëhen edhe eliminimet përkatëse. Denar Biba dhe Lefterie Lleshi meritojnë vlerësim”, deklaroi Majko.