Krimi në Ndroq/ 56-vjeçari i sëmurë: Ç’të bëj, e vrava gruan! Të afërmit: 3 javë pa ilaçe (VIDEO)

TIRANË- Ndërprerja e kempit që merrte pas operacionit ka shtuar shenjat e nervozizmit dhe depresionin tek 56-vjeçari nga Ndroqi Kasëm Lila, i cili mbrëmjen e djeshme ka tejkaluar çdo limit dhe ka qëlluar për vdekje bashkëshorten e tij Afize Lila, 47 vjeç dhe ka plagosur kunatën, pas një sherri në familje.

Shpjegimi i këtij të fundit për krimin e rëndë ka qenë i shkurtër: “Ç’të bëj, e vrava…”,- ka thënë Lila para policisë.

Por të afërmit e tij thonë se gjendja e tij mendore është rënduar 3 javët e fundit si pasojë e ndërprerjes së kurës.

“I ndërprenë pensionin dhe ka 3 javë që nuk ka pirë ilaçet. Ta shikoje në pamje të jashtme ishte shumë në rregull, por e kishte defektin në tru. Nga ndërprerja e “KEMP”­it u bë i dhunshëm”, tregojnë të afërmit.

Krimi në familjen Lila ndodhi mbrëmjen e së shtunës, kur gjatë një debati familjar, autori rrëmbeu çiften me leje që mbante i vëllai, i plagosi atij gruan dhe vrau bashkëshorten e tij, 47-vjeçaren Fize Lila.