Kush është i plagosuri në Durrës/ Detaje/U arrestua në gusht për tentativë vrasje të biznesmenit

Alfred Skonja 29 vjeç është njëri prej të plagosurve nga të shtënat në lagjen nr.5 në Durrës që ndodhën mbrëmjen e sotme.

29-vjeçari është dërguar në spitalin e Traumës në Tiranë, pasi është qëlluar me disa plumba.

Alfred Skonja rezulton se është arrestuar më 26 gusht të këtij viti, i dyshuar për tentativë vrasje të një biznesmeni.

29-vjeçari nga Fushë Kruja në bashkëpunim me një shtetas tjetër kishte vjedhur automjetin tip “Volkswagen” me targa AA 029 MM, në pronësi të shtetasit R.B., 22 vjeç, banues në fshatin Zhejë të Kurbinit.

Alfred Skonja ka qenë me precedent penal të mëparshëm, ndërsa denoncimi në polici i biznesmenit bëri që të parandalohej vrasja e tij.

Nuk dihet se si Alfred Skonja u la i lirë pasi vetëm rreth 2 muaj më parë u prangos si i dyshuar vrasës me pagesë për të ekzekutuar biznesmenin.