“Kush kërkon të zëvendësojë ‘nënën Shqipëri’ me ‘nënën Kosovë’, ka për ‘babë’ Serbinë”

Në Kosovë ka shperthyer debati për lidhjet mes Kosovës dhe Shqipërisë, pas vizitës së kryeministrit Edi Rama në Beograd.

Zyrtari i Lëvizjes Vetëvendosje, Boiken Abazi, shkruan se të gjithë ata që kërkojnë të zëvendësojnë “nënën Shqipëri” me “nënën Kosovë”, pra kombin shqiptar me kombin kosovar, janë të frymëzuar nga serbët.

“Ideja e ndryshimit të psikologjisë kolektive në Kosovë nga “Nëna Shqipëri” te krijimi i një nëne të re, pra “Nëna Kosovë”, që lind “kombin” kosovar, e anashkalon faktin se “Nëna Kosovë” ka për “babë” Serbinë, që e ka krijuar idenë e kësaj “nëne” të re nëpër dekada përmes ndarjes së Kosovës nga Shqipëria dhe (për)dhunimit sistemik colonialist”, shkruan ai.

“E sqarojme edhe një herë komentin e mëposhtëm: kush mendon se ka për “Nënë Kosovën”, duhet ta kete të qartë që për “babë” ka Serbinë, që e ka krijuar idenë e kësaj “nëne” të re nëpër dekada përmes ndarjes së Kosovës nga Shqipëria dhe (për)dhunimit sistemik kolonialist. Pra, zëvendësimi i idesë së “Nënës Shqipëri” me idenë e “Nënës Kosovë” nënkupton automatikisht edhe pranimi i “babes” së dhunshëm Serbi, që e ka realizuar këtë ndarje. Shprehja “Unë biri yt Kosovë”, që e zëvendëson “Nënën Shqipëri” në vetëdijen e popullit të Kosovës me “Nënën Kosovë”, është në thelb mazokizëm i pastër”, vijon më tej.