Ky është drejtuesi që qëlloi me armë kalimtarin se i zuri rrugën

Ky person që shihni në foto është Barjam Islami, 50 vjeç nga Tirana. Islami është arrestuar ditën e sotme nga Policia, pasi tentoi të vriste një person tjetër.

Burimet e “Panorama.al” thonë se motivi është krejt banal. Islami ishte duke ecur me mjetin e tij kur shtetasi M.P. i ka dalë para te rruga “Jordan Misja” në Tiranë.

Kështu, Islami është nxehur dhe ka dalë nga makina duke ofenduar dhe sharë kalimtarin që i zuri rrugën për disa çaste, shkruan “Panorama.al”.

Edhe ky i fundit i është përgjigjur, mirëpo, Islami nuk e ka lënë me kaq. Ai është konfliktuar me fizikisht me kalimtarin.

Në këtë moment është njoftuar Policia, e cila fatmirësisht ka ndërhyrë në kohë. Megjithatë, Islami ka qëlluar me armë drejt kalimtarit, por fatmirësisht plumbi nuk e ka kapur.

Madje plumbi ka goditur dritaren e një banesë aty, duke hyrë në dhomën e një foshnjeje, por fatmirësisht nuk e ka prekur as këtë të fundit.

islami-d