Ky është vlonjati që u arrestua në Leçe me marihuanën që vlente 90 mijë euro

Policia Tatimore në Leçe, Itali, ka arrestuar një shqiptar që ngiste një makinë me 64 kg marihuanë brenda, shkruajnë mediat italiane, citon Syri.net.

Operacioni u zhvillua dje në mëngjes në orën 8 dhe kishte synim ndalimin e trafikut të drogës. S.S.me një makinë që po i drejtohej Barit, në ngjyrë të errët dhe të përdorur shumë keq, lëvizte me ngadalë në buzë të xhadesë.

Tatmiorët italianë, të vënë në alarm nga sasitë e mëdha të drogës që ishin sekuestruar një natë më parë, kishin vendosur të vazhdonin kontrollin e makinave. Ata urdhëruan shoferin që të ndalonte makinën, por papritur ai zbriti dhe u përpoq të ikte në një fshat aty pranë para se t’i kërkohej nga policia të tregonte dokumentet e identifikimit. Shoferi u kap pasi vrapoi disa qindra metra për të fshehur gjurmët.

Policia zbuloi brenda makinës së tij një 64 kg marihuanë që me vlerë tregu shkonte në 90 mijë euro. Po ashtu, sekuestroi makinën dhe ndërkohë, shpërndarësi shqiptar nga Vlora, me iniciale L.I. lindur në 1989, është arrestuar dhe është vënë në dispozicion të autoriteteve gjyqësore vendase/Syri.